اہلیہ چینی صدر کی  2025 میں "بونڈ  وتھ   کولیانگ ” چین-امریکہ نوجوانوں کی دوستی کی سرگرمی میں شرکت

 بیجنگ :چین کے صدر شی جن پھنگ کی اہلیہ پھنگ لی یوان نے چائنیز پیپلز ایسوسی ایشن فار فرینڈ شپ ود فورن کنٹریز  میں 2025 کے "بونڈ وتھ کولیانگ ” چین- امریکہ نوجوانوں کی دوستی کی سرگرمی میں شرکت کی اور خطاب کیا۔پھنگ لی یوان نے غیر ملکی مہمانوں کے ساتھ مل کر "بونڈ وتھ  کو لیانگ ” چین-امریکہ نوجوانوں کے کورس ویک  کی سرگرمیوں کی ویڈیو دیکھی۔ امریکہ کے ” فرینڈز آف کو لیانگ ” کے کنوینر  اور ریاست  آئیووا کے دوست  نے بالترتیب کولیانگ سے  جڑی کہانیاں اور چین-امریکہ عوامی تعلقات و علاقائی تعاون میں اپنی شرکت کے تجربات بیان کیے،  انہوں نے چین کے لیے اپنی گہری وابستگی کا اظہار کیا اور صدر مملکت شی جن پھنگ کی چین اور امریکہ کے نوجوانوں کے لیے دلچسپی اور محبت کا شکریہ ادا کیا، انہوں نے کہا کہ وہ چین-امریکہ دوستی کو فروغ دینے کے لیے اپنا کردار ادا کرتے رہیں گے۔ امریکی نوجوانوں کے نمائندوں نے اپنے دورے کے خوشگوار تاثرات کا اظہار کیا اور کہا کہ وہ چین اور امریکہ کی دوستی کی نئی نسل کے سفیر بننا چاہتے ہیں تاکہ دونوں ممالک کی دوستی کی روایت کو آگے بڑھایا جا سکے۔پھنگ لی یوان نے اپنی تقریر میں کہا کہ صدی پر محیط  کولیانگ  کی کہانی اور آئیووا میں صدر شی جن پھنگ اور ان کے پرانے دوستوں کے درمیان 40 سالہ گہری دوستی چینی اور امریکی عوام کے درمیان دوستی کا مظہر ہے۔ صدر شی جن پھنگ نے "اگلے پانچ سالوں میں 50,000 امریکی نوجوانوں کو چین میں تبادلے اور مطالعے کے لئے مدعو کرنے”  کی تجویز پیش کرنے کے ایک سال کے عرصے میں، بہت سے امریکی نوجوانوں کو چین کا دورہ کرنے کی دعوت دی گئی ہے۔ انہوں نے ذاتی طور پر حقیقی چین کا تجربہ کیا ہے، نئے دوست بنائے ہیں اور مشترکہ طور پر چین امریکہ دوستی کی ایک نئی کہانی لکھی ہے۔