” 14ویں پانچ سالہ منصوبے”کے بعد سے چین میں مجموعی طور پر 7 کھرب ڈالر سے زائد غیر ملکی سرمایہ کاری جذب کی گئی ہے، رپورٹ

بیجنگ :چین کی ریاستی کونسل کے انفارمیشن آفس کے زیر اہتمام "14ویں پانچ سالہ منصوبے کی اعلی معیار کے ساتھ تکمیل” کے سلسلے میں ایک تھیم پریس کانفرنس میں،  وزارت تجارت  کے متعلقہ ذمہ دار نے کہا کہ "14ویں پانچ سالہ منصوبے” کے آغاز کے بعد سے، چین کی بیرونی تجارت نے دباؤ کا مقابلہ کر کے  لچک  کا مظاہرہ کیا۔ مال کی تجارت کے لحاظ سے چین دنیا میں پہلے نمبر پر ہے، جبکہ برآمدات اور درآمدات کا عالمی مارکیٹ میں حصہ بالترتیب 14 فیصد اور 10 فیصد سے زیادہ پر مستحکم ہے۔سروس ٹریڈ کا حجم   دنیا میں دوسرے نمبر پر ہے۔ غیر ملکی سرمایہ کاری کا معیار بہتر ہوا ہے، اور "14ویں پانچ سالہ منصوبے” کے آغاز سے اب تک 7 کھرب ڈالر سے زائد غیر ملکی سرمایہ کاری کو راغب کیا گیا ہے، جو متوقع ہدف سے تجاوز کر گیا ہے۔ صنعتی  چین اور سپلائی چین کے بین الاقوامی تعاون کو منظم طریقے سے آگے بڑھایا گیا ہے، اور  بیرونی  سرمایہ کاری کی اوسط سالانہ نمو کی شرح 5 فیصد سے زیادہ رہی ہے، جو دنیا میں  تین سب سے اوپر کے ممالک میں شامل ہے۔”14ویں پانچ سالہ منصوبہ” کے آغاز کے بعد سے، چین  کی کھپت کی مارکیٹ کا سائز دنیا میں دوسرے نمبر پر ہے۔ گزشتہ چار سالوں میں سماجی اشیاء کی کھپت کی کل مالیت کی سالانہ اوسط شرح نمو 5.5 فیصد رہی ہے، اور رواں سال یہ 50 ٹریلین یوآن سے تجاوز کرنے کی توقع ہے۔