برمنگھم: ورلڈ چیمپیئن آف لیجنڈز کا فائنل مقابلہ پاکستان اور بھارت کے درمیان برمنگھم کے ایجبسٹن اسٹیڈیم میں ہوا، جہاں پاکستان چیمپئین نے بھارت کو جیت کے لیے 157 رنز کا ہدف دیا، جو بھارت نے آخری اوور میں حاصل کرلیا۔
کپتان یونس خان نے ٹاس جیت کر پہلے بیٹنگ کا فیصلہ کیا تھا۔ پاکستان نے 20 اوورز میں 6کھلاڑی آؤٹ پر 156 رنز بنائے، سب سے زیادہ شعیب ملک نے 41 رنز کی اننگ کھیلی۔
کامران اکمل 24، شرجیل خان 12، صہیب مقصود 21، عامر یمین 7 اور یونس خان بھی 7 رنز بنا کر آؤٹ ہوئے۔ مصباح الحق نے 18رنز بنائے اور ریٹائرڈ ہوئے۔ شاہد آفریدی 4 اور سہیل تنویر 19 رنز بنا کر ناٹ آؤٹ رہے۔
بھارت کی جانب سے انوریت سنگھ نے 3، ونے کمار، پون نیگی اور عرفان پٹھان نے ایک ایک وکٹ حاصل کی۔
پہلا سیمی فائنل پاکستان اور ویسٹ انڈیز جبکہ دوسرا سیمی فائنل بھارت اور آسٹریلیا کے درمیان کھیلا گیا، دونوں ٹیموں نے گروپ راؤنڈ میں بھی غیر معمولی فارمنس کا مظاہرہ کیا۔ پاکستان نے 5 میں 4 میچز میں کامیابی سمیٹی اور روایتی حریف بھارت کو بھی شکست سے دوچار کیا تھا۔
پاکستان ٹیم کے اسکواڈ میں کپتان یونس خان، کامران اکمل، شرجیل خان، صہیب مقصود، شعیب ملک، شاہد آفریدی، عامر یامین، مصباح الحق، وہاب ریاض، سہیل تنویر، سہیل خان، سعید اجمل، عمر اکمل، تنویر احمد، یاسر عرفات، محمد حفیظ، توفیق عمر اورعبدالرزاق شامل ہیں۔
بھارتی ٹیم کے اسکواڈ میں کپتان یوراج سنگھ، رابن اتھاپا، امباتی رائیڈو، سریش رائنا، یوسف پٹھان، عرفان پٹھان، گورکیرت سنگھ، پون نیگی، ونے کمار، ہربھجن سنگھ، دھول کلکرنی، راہول شکلا، آر پی سنگھ، نمن اوجھا، سوربھ تیواری، انوریت سنگھ اور راہول شرما شامل ہیں۔
